2024 жылдың 24 сәуірінде "ҚБТУ" АҚ Ғылыми кітапханасында Қазақстанның университеттік кітапханаларын автоматтандырудың өзекті мәселелеріне және "МегаПро" АИКЖ-мен жұмыс тәжірибесіне арналған Мегапро үшінші семинар – мектебі өтті.
Семинар "Дата Экспресс" компаниясы (Мәскеу, РФ) – танымал "МегаПро" АИКЖ кітапхана жүйесінің әзірлеушісімен бірлесіп өткізілді, аталған семинар 2023 жылғы 3 қарашада "ҚБТУ" АҚ – да өткізілген Мегапро семинар-мектебінің жалғасы және дамуы болды.
Семинар офлайн және онлайн форматта өтті, оған Алматы, Астана, Қарағанды, Ақтөбе, Қызылорда, Тараз, Рудный, Атырау, Теміртау университеттік және академиялық кітапханаларының 90-нан астам өкілдері қатысты.
Семинарда онлайн режимде "Дата Экспресс" ЖШҚ жетекші мамандары сөз сөйлеп, ақпараттық-кітапханалық технологияларды автоматтандырудың жаңа мүмкіндіктерін ұсынды.
Компания мамандары алғаш рет "МегаПро" АИКЖ-нің жаңа ішкі жүйелері- MegaID және МегаІздеу жүйелерін ұсынды. MegaID - "Мегапро" АИКЖ-н FaceID сәйкестендіру жүйесімен байланыстыруға негізделген.
МегаІздеу жүйесі "МегаПро" АИКЖ-н пайдаланатын кітапханалар каталогтары бойынша бірыңғай іздеуді жүзеге асыруға мүмкіндік беретін жүйе болып табылады.
Бүгінгі таңда ҚБТУ ғылыми кітапханасында "МегаІздеу" жүйесі жұмыс істейді, ол кітапхана пайдаланушыларына ҚазҰТЗУ университетінің, Нархоз университетінің Ғылыми кітапханалары, А.П. Чехов атындағы ОҚ кітапхана, Жамбыл атындағы жастар кітапханасы, Алматы қаласының орталықтандырылған кітапханалар жүйесі сияқты еліміздің жетекші кітапханаларының каталогтары бойынша іздеуге мүмкіндік береді.
Семинардың екінші бөлімінде Ғылыми кітапхана директоры Абатова Анна Федоровна мен цифрландыру секторының меңгерушісі Роза Сабировна Ахметованың жетекшілігімен ҚБТУ базасында "МегаПро" АИКЖ -да практикалық сабақ өткізілді.
Семинардың соңғы бөлімінде пікір алмасу, сұрақтарға жауаптар, "МегаПро" АИКЖ пайдаланушылары үшін консультациялар өткізілді.
Семинар жұмысының қорытындысы бойынша Кітапханалық-ақпараттық технологияларды дамыту және оқырмандар үшін заманауи сервистерді ұсыну мақсатында Қазақстан Республикасының жоғары оқу орындары кітапханаларының одан әрі ынтымақтастығы туралы ұсыныстар енгізілді.
Мегапро семинар – мектептерін, конференцияларды және осы тақырып бойынша басқа да іс-шараларды тұрақты негізде өткізу ұсынылды.
"ҚБТУ" АҚ кітапхана ұжымының күш-жігерінің және университет басшылығының назарының арқасында семинар жұмысы үшін қолайлы жұмыс атмосферасы және сындарлы диалог пен тәжірибе алмасу үшін оңтайлы жағдайлар жасалды.
