ҚҰРМЕТТІ ТАЛАПКЕРЛЕР!
Мұнай-газ өнеркәсібі еліміздің экономикасында жетекші орын алады. Қазақстан көмірсутегінің ірі қоры бар, игерілетін және өндірілетін жетекші елдердің тізіміне енді. Сондықтан ел экономикасының мұнай-газ секторы әрқашанда жоғары білікті мамандарды қажет етеді.
Энергетика және мұнай-газ өнеркәсібі мектебі «Мұнай-газ ісі» білім беру бағдарламасы бойынша мамандарды оқытудың үш деңгейі бойынша дайындайды: бакалавриат, магистратура және докторантура. Мамандарды дайындау үшін бізде білікті оқытушылар құрамы бар. Мектеп мұнай инженериясы, бұрғылау және бұрғылау мен тығындау ерітінділері, механика және жалпы гидравлика, DrillSim 20, Eclipse, Petrel және басқа бағдарламалары арқылы мұнай және газ кен орындарын қолданбалы модельдеу зертханаларымен жабдықталған. Мектеп еліміздегі көптеген ірі мұнай-газ компанияларымен белсенді ынтымақтасады, оларды оқу жоспарларын жасауға, студенттердің өндірістік тәжірибеден өтуін ұйымдастыруға, түлектерді жұмысқа орналастыруға көмектесу үшін тартады. Мектеп оқушылары Society of Petroleum Engineers (SPE) қоғамының белсенді мүшелері болып табылады.
Мектеп сонымен қатар APEC PetroTechnic жоғары колледжінің түлектеріне қысқартылған оқудан өтіп, бакалавр дәрежесін алуға мүмкіндік береді. Мектеп Agip Karachaganak B.V. және Eni Corporate University S.p.A. «Өнеркәсіптік жобаны және инженирингті басқару» білім беру бағдарламасы бойынша магистрлерді дайындайды.
Мектеп түлектері еңбек нарығында үнемі сұранысқа ие және мұнай-газ саласындағы жұмыс берушілердің сұранысын қанағаттандырады.
Жоғары білім алу үшін және болашақ мамандықтың негізі ретінде біздің білім беру бағдарламаларымызды таңдасаңыз, сіз бәсекеге қабілетті және білікті маман болатыныңызға сенеміз.
Сіздермен бірге біз мектептің негізгі миссиясы – мұнай-газ саласында қажетті білімі мен құзыреттілігі бар кадрларды дайындауда және еліміздің болашақ ұрпағын тәрбиелеуде жоғары жетістіктерге жетеміз.
Мұнай-газ кешені – еліміздің ішкі және сыртқы экономикасының маңызды элементі, ол жоғары технологиялық индустрия мен заманауи жоғары технологиялық өндірістің өзегі бола алады. Осы фактіні ескере отырып, Энергетика және мұнай-газ өнеркәсібі мектебі (ЭМГӨМ) мұнай және газ кен орындарын технологиялық және үнемді пайдалану мен игеруге үлес қосатын инженерлердің жаңа буынын шығаруды алдына мақсат етіп қояды.
ЭМГӨМ бакалавриат студенттері төрт жылдық оқу барысында келесі білім мен дағдыларды алады:
- Үш тілде (қазақ, орыс және ағылшын) жақсы қарым-қатынастық;
- Жобаларды басқару бағытарынан өту және топтық жобаларға қатысу арқылы топтық жұмыс дағдыларын дамыту;
- бес математикалық пәнді аяқтау нәтижесінде тамаша математикалық қабілеттер;
- Өте жақсы инженерлік дағдылар, жүйелі және сыни тұрғыдан ойлау, талдағыш ақыл жаратылысы;
- Мұнай-газ өнеркәсібін және оның барлық пәндерін: геология, геофизика, қабатты игеру, модельдеу және имитациялауды жақсы түсіну;
- Университет қабырғасында қалыптасқан жоғары адамгершілік және жеке құндылықтар.
Университетті бітіргеннен кейін жас мамандар өз мансабын жетекші компанияларда бастай алады:
ҚазМұнайГаз;
Теңізшевройл;
PETROKAZAHSTAN OVERSIZ SERVISEZ INK.;
AGIP KCO;
Karachaganak Petroleum Operating B.V.;
ҚазТрансОйл;
Halliburton;
MaerskOil;
InterGas Central Asia;
Baker Hughes;
Schlumberger;
және т.б.
Инженерлік білімі бар және мұнай-газ саласындағы мансапқа қызығушылық танытқандар, сондай-ақ білімін тереңдеткісі келетіндер үшін «Мұнай-газ ісі» мамандығы бойынша магистратураға түсуге мүмкіндік бар. Ол тереңірек және студенттерді жоғары деңгейлі есептермен жұмыс істеуге дайындайды. Біз сондай-ақ «Өнеркәсіптік жобаны және инженирингті басқару» мамандығы бойынша магистратура бағдарламасын іске қостық, өйткені біз мұнай-газ саласына осындай дағдылары бар адамдар қажет деп санаймыз.
Мектеп қазіргі кезеңде өзекті болып табылатын энергияға көшу бойынша жаңа магистратураны ашуда.
Ғылым мен зерттеуде өз талабын тапқан адамдар «Мұнай және газ инженериясы» мамандығы бойынша докторантурада оқуын жалғастыра алады. Осы үш жылдық бағдарлама барысында студенттер теориялық курстық жұмысты оқып, зерттеу жұмыстарын жүргізуге көңіл бөледі. Бағдарламаны аяқтағаннан кейін олар университеттің профессорлық-оқытушылық құрамына кіре алады немесе компанияның ғылыми-зерттеу және тәжірибелік-конструкторлық орталығында жұмыс істей алады.
Біз сондай-ақ Роберт Гордон университетімен (Ұлыбритания) 2+2 формуласын (PhD Petroleum Engineering and Doctor of Engineering EngD) пайдалана отырып, екі дәрежелі докторлық бағдарламаны бастаймыз.
Құрметпен,
Энергетика және мұнай-газ өнеркәсібі мектебінің деканы
Исмаилов Абдулахат Абдукаримович
