Ғылыми кітапхана ұжымы осы жылдың 27 қазанында кітаптарға деген қызығушылықты арттыру және жастар арасында оқуды насихаттау мақсатында бұрын-соңды болмаған акция өткізді, кітапхана қорынан алынған кітаптарды оқырмандарымызға тегін таратты. Акцияға әлеуметтік ғылымдар, информатика, экономика және менеджмент, кәсіби - іс жүргізу бойынша кітаптар мен түрлі сөздіктер қойылды. Көптеген кітаптар жаңа үй тапты және олар біздің оқырмандарға пайдалы болады деп үміттенеміз. Сондай-ақ студенттер үшін арт-терапия аймағы ұйымдастырылды, онда олар бос уақытында суреттерді бояумен айналысты. Қатысушылар көптеген суреттерді белсенді түрде бояды, ақпараттық тақтада өз тілектері мен ұсыныстарын қалдырды, алғыстарын білдірді. Болашақта кітапхана мұндай акцияларды жиі өткізуді жоспарлап отыр.