Желтоқсан айында Ғылыми кітапхана ұйымдастыруымен қазақ халқының ардақты ақыны Мұхтар Шаханов шығармашылығына арналған байқау өтті. Байқаудың мақсаты Қазақстан Республикасының Халық жазушысы, қазақ әдебиетінің ірі өкілі, мемлекет және қоғам қайраткері Мұхтар Шахановтың шығармаларын насихаттау, қолдау көрсету және дамыту. Қазақ поэзиясында өзіндік орны бар Мұхтар Шаханов шығармашылығының терең иірімдеріне үңілу, тарихи шындықты, сөз өнерімен өрнектелген әсемдікті түйсіне білуге баулу, адамгершілік, рухани қасиеттерді оқушылар бойына сіңіру, отансүйгіштік сезімдерін шыңдау.

Байқау шарттары бойынша қатысушы өзі таңдаған ақынның 2 шығармасын ой кестесіне сай көркемдеп оқиды, жүріс – тұрыс мәдениеті, өзін сахнада ұстауы үлгілі дәрежеде болуы тиіс. Оның көркемдігі, ойлылығы, оқу мәнеріне, жатқа оқуына назар аударылды. Байқау барысында сөзін ақын Мұхтар Шаханов, əнін Шәмші Қалдаяқов жазған Ақ бантик әні тыңдалды, жас күйшілердің орындауында Адай күйі орындалды, Мұхтар ағамыздың өзінің жанды дауысымен айтқан «Төрт ана» өлеңін тындадық.

Байқау өте жоғары дәрежеде өтті, қатысушылар өлеңдерді керемет оқыды. Әділ қазылардың шешімі бойынша Энергетика және мұнай-газ индустриясы мектебінің 1 курс студенті Рахимбеков Дәурен Талғатұлы жүлделі біріншы орынды иемденді. 2 жүлделі орынды Бизнес мектебінің 1 курс студенті Накыпова Ұлбосын Адилқызы иемденді, 3 жүлделі орын Энергетика және мұнай-газ индустриясы мектебінің студенттері Батырбеков Ибрагим мен Қуаныш Аяулымға бұйырды. Барлық қатысушыларға алғыс хат және ынталандыру сыйлары берілді.