11 қазанда Қазақстан-Британ техникалық университеті түлектері ассоциациясының бірінші мәжілісі болып өтті.
Түлектерге ҚБТУ ректоры құттықтау лебізін білдірді. Сондай-ақ жиналғандар алдында Agip Caspian Sea BV компаниясы директоры және ҚБТУ Консультативтік кеңесінің төрағасы Николо Аггоджери құттықтау сөз сөйледі.
Түлектерге Түлектер ассоциациясын дамыту бойынша жоспарлар, KBTU Endowment корпоративтік қоры, KBTU Startup Incubator шеңберінде студенттік технологиялық кәсіпкерлікті қолдау мен спорт, мәдениет, ғылым және қоғамдық өмірде көрнекті жетістікке жеткен ҚБТУ студенттеріне арналған Денис Тен атындағы шәкіртақының тағайындалуы туралы баяндалды.
Мұнымен қоса, KAZENERGY ассоциациясының студенттік конкурстары туралы оның адам капиталын дамыту бойынша атқарушы директоры Ляззат Ахмурзина өз ақпаратымен бөлісті.
