CNPC қызметкерлері Executive MBA (EMBA) бағдарламасы бойынша магистр дәрежесін алды

Диплом тапсыру рәсімін ҚБТУ Ректоры Габдуллин Маратбек Тулебергенович басқарып, түлектерді академиялық жолын сәтті аяқтауымен құттықтап, болашақ кәсіби қызметінде табыс тіледі. Өз сөзінде ректор былай деп атап өтті:

«Бүгінгі күн – біздің түлектеріміздің өмірінде және олардың кәсіби қалыптасуында маңызды кезең. EMBA бағдарламасы көшбасшылық қасиеттер мен басқарушылық дағдыларды дамыту үшін ерекше мүмкіндіктер береді, бұл әсіресе CNPC сияқты ірі компанияның қызметкерлері үшін маңызды. Біз сіздердің жетістіктеріңізбен мақтанамыз және алған білімдеріңіз бен дағдыларыңыз компанияңыздың және бүкіл Қазақстанның мұнай-газ саласының дамуына елеулі үлес қосатынына сенімдіміз.»

ҚБТУ-дың EMBA бағдарламасы қазіргі заманғы басқарушылық кадрларға қойылатын талаптарды ескере отырып әзірленген және стратегиялық ойлау, көшбасшылық қасиеттер мен басқарушылық шешімдерді қабылдау дағдыларын дамытуға бағытталған. Бағдарлама оқу жоспары қаржылық менеджмент, стратегиялық маркетинг, жобаларды басқару және басқа да көптеген пәндерді қамтиды.

Барлық түлектерді шын жүректен құттықтап, кәсіби қызметтерінде табыс тілейміз!

2024 жылғы тамыз айынан бастап EMBA бағдарламасына қабылдау ашылады — жазылып үлгеріңіз!

Байланыс:
тел.: +727 357-42-47 (ішкі 180)
e-mail: Этот адрес электронной почты защищен от спам-ботов. У вас должен быть включен JavaScript для просмотра.