ҚБТУ-да жоғары білім беру саласындағы Қазақстан-Британ ынтымақтастығы талқыланды!

Бүгін Ұлыбританияның бизнес және сауда істері жөніндегі мемлекеттік министрі Нусрат Гани Қазақстанға ресми сапары аясында Қазақстан-Британ техникалық университетіне (ҚБТУ) келді.

Кездесу Ұлыбританияның Қазақстандағы елшісі Кэти Личпен, елшілік өкілдерімен және ҚБТУ басшылығымен бірлесіп өтті. Лондон университетімен (UoL) және Лондон экономика және саясаттану мектебімен (LSE) қос дипломдық бағдарламаларды қоса алғанда, білім беру саласындағы ынтымақтастықтың жаңа перспективаларын талқылады.

Қос дипломдық бағдарламалардың түлектері осы форматтың одан әрі кәсіби өсу үшін маңыздылығын атап өтіп, табысты тәжірибелерімен бөлісті. Студенттер қос диплом бағдарламасының одан әрі дамуына ниет білдірді.

Бүгінгі таңда ҚБТУ-да Орталық Азияда бірінші болып танылған Лондон университетімен бағдарламалар жұмыс істейді. Ынтымақтастық 2005 жылы басталды. 2023 жылы 400-ден астам түлек бағдарламаны сәтті аяқтады.

Сондай-ақ Кембридж университетімен ынтымақтастық перспективалары, сертификаттау мәселелері және Intertek Group plc серіктестігі талқыланды.

Кездесуден кейін қонақтар баламалы энергетика және нанотехнология зертханаларына барып, ҚБТУ халықаралық білім беру бағдарламалары туралы ақпарат алды.

Қазақстанда жоғары білім беруді дамытуға қызығушылық танытқаныңыз үшін алғыс айтамыз!