АҚШ Бас консулдығының қоғаммен байланыс бөлімінің басшысы Ананд Кришна мырза ҚБТУ студенттеріне қонақ дәрісін өткізді. Ол тұрақты даму мақсаттары және оларға қол жеткізудегі дипломатияның рөлі тақырыбына тоқталды. Дәрістен кейін Ананд Кришна ҚБТУ басшылығымен кездесіп, америкалық университеттермен ынтымақтастық мүмкіндіктерін талқылады. Дипломатқа ҚБТУ туралы мерейтойлық кітап сыйға тартылса, дипломат Мұхтар Әуезовтің 1960 жылы АҚШ-қа сапарынан кейін жазған және дипломатиялық мекеменің қолдауымен 2022 жылы қазақ және ағылшын тілдерінде жарық көрген «Америка әсерлері» кітабын сыйға тартты.