30 қыркүйекте North Caspain Operating Company (NCOC) басқарушы директоры Оливье Лазардың ҚБТУ ректоры Габдуллин Маратбек Төлебергенұлымен кездесуі өтті.

Қазақстанда Лазар мырза "Қазақстандық Шетелдік инвесторлар кеңесі" қауымдастығының Басқарма төрағасының орынбасары қызметін атқарады. Сонымен қатар, Оливье Лазар ҚР Премьер-Министрінің төрағалығымен инвестициялық ахуалды жақсарту жөніндегі Кеңестің мүшесі болып табылады. Саланы дамытуға қосқан үлесі үшін ҚР Президентінің 2-ші дәрежелі "Достық" орденімен марапатталған. Ол көптеген халықаралық жобаларда, соның ішінде Ұлыбританияда, Габонда, Брунейде және Оманда құрлық және теңіз жобаларында жұмыс істеді.

Кездесу барысында Лазар мырза университеттің қызметімен танысып, сыйлық ретінде ҚБТУ мерейтойлық кітабын алды, содан кейін ҚБТУ инфрақұрылымымен және зертханалық жабдықтарымен танысты - Baker Hughes және Honeywell зертханаларына, механикалық инженерия, робототехника зертханасына, баламалы энергетика және нанотехнология зертханасына, материалтану және жасыл технологиялар мектебіне барды, сондай-ақ қазақстандық теңіз Академия, Ғылыми кітапханада болды.