Құрметті әріптестер, ұстаздар, студенттер! Сіздерді 2020 жылдың 5 ақпан күні Ғылыми кітапханада өтетін «Абай оқулары» шақырамыз.

Абай оқуларының негізгі мақсаты: қазақ халқының әдеби мұраларын дәріптеу, студенттердің классикалық әдебиттерді  оқуға  деген қызығушылықтарын арттыру. Абай және Шәкәрім шығармаларындағы  эстетикалық талғам мен тұлғалық қасиетті насихаттау.

Әдеби кешіміз кітапхана көрмесімен қатар ән мен биге, түрлі сайыстарға толы көңілді отырыс болмақ!

Хәкім Абай атамызға арналған кітапхана көрмесін тамашалап, ән мен өлеңдерінен сусындап, тақырып шеңберіндегі блиц-сұрақтарда біліміңізді көрсетуге шақырамыз!

Абай оқуларына  үш номинация бойынша қатысуға болады:

1. «Өлең – сөздің патшасы, сөз сарасы» номинациясы бойынша Абай өлеңдерін жатқа, мәнерлеп оқу.

2. «Абайдың қара сөздері» номинациясы бойынша Абай қара сөздерін жатқа, мәнерлеп оқу.

3. «Абайдың ақын шәкірттерінің шығармалары» номинациясы бойынша Шәкерім Құдайбердіұлы, Ақылбай Абайұлы, Мағауия Абайұлы шығармаларын жатқа оқу, мәнерлеп айту.

Мәнерлеп оқу уақыты 3 минуттан аспауы тиіс. Қатысушы қазақ, орыс, ағылшын тілдерінде оқи алады.

Жеңімпаздарға және белсенді қатысушыларымызға жақсы және қызықты сыйлықтарымыз бар.

Қатысушылар аты-жөнін, (факультет, курс студенттер үшін), бөлімі, таңдаған номинациясы жайлы ақпаратты 30 қаңтарға дейін Этот адрес электронной почты защищен от спам-ботов. У вас должен быть включен JavaScript для просмотра. поштасына жөңелтуі қажет.

Өтетін орны: Электрондық ресурстар орталығы (164 каб.).

Уақыты: 5 ақпан күні 14.00 де.