Академик Шахмардан Есенов атындағы ғылым-білім беру қоры 27 000 теңгеден тұратын ай сайынғы  25 студенттік шәкіртақы беру үшін конкурс жариялайды.

Бағдарламаға қатысушылар: 18 жастан асқан Қазақстан азаматтары, қазақстандық университеттерде ғылыми-жаратылыстану, техникалық, медициналық және IT мамандықтары бойынша бакалавриаттың 2-3- курстарында немесе магистратураның 1-курсында және интернатураның 1-курсында білім алып жатқан  студенттер,

Гранттар саны: 25

Ш.Есенов атындағы шәкіртақы конкурсына қатысу үшін үміткер:

Қор сайтындағы онлайн-өтінімді толтыруы;
Өтінімге  міндетті және қосымша құжаттарды қосымша тіркеуі тиіс.

Міндетті құжаттар:
Жеке куәліктің сканы;
«Мен Қазақстан ғылымы үшін  не жасадым және не жасаймын? Сіз үшін не маңызды және неліктен?» тақырыптарына  өз уәждемелік хатын жазу (уәждемелік хат жазбаша түрде ғана ұсынылуы тиіс);
Студент транскрипті (GPA -дің орта балы 3,0-ден төмен болмауы);
Магистратура студенттері үшін  жоғары білімі туралы диплом көшірмесі (бакалавр, мамандығы).

Қосымша құжаттар:
Ғылыми сертификаттар/дипломдар – 2 сертификаттан артық емес*;
Әлеуметтік белсенділігі мен  волонтерлік сертификаттары– 3 сертификаттан артық емес*;
Жарияланымдар – 2 жарияланымнан артық емес*;

*Қор сертификаттардың лимиттелген саны қарастырады. Үміткер өз бетімен  жетістіктерін мейлінше үздік бейнелейтін сертификаттарын іріктеп ұсынуы тиіс.

Құжаттарды тапсыру мерзімі: 20.02.2020ж. дейін*.
*Өтінімдерді қабылдау 20 ақпанда  Нұр-Сұлтан қ. уақыты бойынша (GMT+6) сағ.15:00-де  аяқталады

Барлық өтінімдер https://yessenovfoundation.org/zayavka-2020/ сілтемесі бойынша (20.01. бастап) онлайн толтырылады.