5-10 тамыз аралығында ҚБТУ В057 «Ақпараттық технологиялар» білім беру бағдарламасы (бакалавриат) тобына қосымша 10 білім беру грантын  беру конкурсына  қатысу үшін құжаттар қабылдау жүргізіледі.

Аталған гранттар  ҚР  Президентінің  тапсырмасы бойынша ҚР Білім және ғылым министрлігі тарапынан  бөлінген.  Гранттар тек қана  көп балалы отбасылар мен АӘК (Атаулы әлеуметтік көмек) алушылар санатындағы мектеп түлектеріне  арналған.

Конкурсқа қатысу үшін  ҚБТУ қабылдау комиссиясына  келесі құжаттарды тапсыру қажет:

1. Белгіленген үлгідегі бланкте өтініш;

2. Талапкердің жеке басын куәландыратын құжат;

3. Жалпы орта, техникалық және кәсіби,  ортадан кейінгі немесе  жоғары білім туралы құжат (түпнұсқа);

4. ҰБТ сертификаты (маусымдағы) (түпнұсқа);

5. 063 (егу картасы) немесе денсаулық төлқұжаты;

6. Белгілі әлеуметтік санатқа (көп балалы отбасы  және/немесе АӘК алушы) жататынын растайтын құжаттар;

7. 3x4 см мөлшеріндегі алты фотосурет.

Анықтамалар келесі телефондар бойынша:

8 (727) 357-42-11, 8 (727) 357-42-40, ішкі.124.