ҚБТУ өкілдері халықаралық байланыстарды нығайту және академиялық ұтқырлықты дамыту мақсатында Джакартаға сапармен барды. Сапар барысында олар Джакартадағы халықаралық мектептермен, жетекші университеттермен кездесті және BeginEdu Fair Jakarta білім көрмесіне қатысты.   

Келіссөздер жүргізілген университеттер қатарында BINUS University (QS WUR рейтингісінде #951-1000, QS Asia рейтингінде #52) және University of Indonesia (QS WUR рейтингісінде #250, QS Asia рейтингінде #10) болды. Академиялық ұтқырлықтың, бірлескен ғылыми жобалардың перспективалары, сондай-ақ студенттердің қысқа мерзімді және жазғы бағдарламаларға қатысу мүмкіндіктері талқыланды.  

Бұл бастамалар ҚБТУ-дың халықаралық аренадағы орнын нығайтуға және студенттерге бірегей оқу мен кәсіби өсу мүмкіндіктерін ұсынуға көмектеседі.