Материалтану және жасыл технологиялар мектебінің студенті «Samruk-Green Energy» компаниясында өндірістік тәжірибеден өту барысындағы өз тәжірибесімен бөлісті.

Тәжірибе кезінде мен жаңартылатын энергетиканың қызықты әлеміне терең үңіліп, Алматы облысында орналасқан күн және жел электр станцияларынан алынатын электр энергиясын өндіру, мониторинг жүргізу, тасымалдау және сату бойынша толық циклді жүзеге асыруға белсене қатыстым. Ең есте қалған сәттердің бірі – нысандарға сапарлар болды, сол жерде мен халықты таза энергиямен қамтамасыз ететін жүзеге асырылған жобаларды өз көзіммен көрдім.

Мен үшін ең құндысы – компанияның тәжірибелі мамандарымен кездесулер болды, олар өз білімдерімен бөлісіп, саладағы жұмыстың қыр-сырын айтып, әрі қарай дамуға шабыттандырды.

Тәжірибе барысында мен университетте алған теориялық білімімді тереңдетіп қана қоймай, жаңартылатын энергетика саласында жұмыс істеу үшін қажетті практикалық дағдыларды да меңгердім. Мен жоба сызбаларын оқуды, жабдықтарды тексеруді үйрендім, іске қосу-жөндеу жұмыстарына тікелей қатыстым және осылайша практикалық инженерлік міндеттерді шешуді үйрендім.

«Samruk-Green Energy» компаниясында тәжірибеден өту менің кәсіби дамуымның маңызды кезеңіне айналды және мен таңдаған мамандықтың болашағы зор екеніне көз жеткіздім.