2024 жылғы 8 маусымда ҚБТУ Тәуелсіздік залында Sulumodels модельдік агенттігі ҚБТУ - мен бірлесіп ұйымдастырған "Face of Kazakhstan 2024" кәсіби модельдер арасындағы Халықаралық байқаудың іріктеу кезеңі өтті.

Байқауға еліміздің түкпір-түкпірінен 22 модель қатысты, олардың бесеуі - біздің университеттің студенттері. Финалда Оңтүстік Кореядағы Face of Asia 2024 байқауында Қазақстанның атынан қатысатын үш жеңімпаздың есімдері жарияланды, олардың арасында ҚБТУ Ақпараттық технологиялар және Инженерия мектебінің 2 курс студенті Дария Шарипқазы бар!

Жеңімпаздарды шын жүректен құттықтаймыз және оларға 2024 жылдың қазан айында Оңтүстік Кореяда өтетін Face of Asia 2024 байқауына сәттілік тілейміз!