ҚБТУ студенттері ICPC әлемдік финалына қатысты. Жарыс 14-19 сәуір аралығында Египеттің Луксор қаласында өтті. Олимпиада IT саласындағы ең беделді жарыстардың бірі болып табылады.
 

Жарысқа қатысқан ҚБТУ студенттері
Динмухамед Турсынбай
Назарбек Алтыбай
Аманбол Канатулы
Команданың тәлімгері Әлімжан Аманов Ақпараттық технологиялар және инжиниринг мектебінің оқытушысы / үйлестірушісі болып табылады.
 

Бұл олимпиадаға әлемнің түкпір-түкпірінен барлығы 130 команда қатысты. ҚБТУ қазақстандық жоғары оқу орындары арасында үздік атанды.
 

Сондай-ақ, тарихта алғаш рет Қазақстаннан келген қатысушы Батр Сардарбеков Harbor Space University-Barcelona Campus құрамында алтын медаль алғанын атап өткен жөн.
 

Студенттерімізді құттықтаймыз және олардың одан әрі дамуына табыстар тілейміз