Кеше, 2024 жылғы 18 сәуірде «Қазақстан-Британ техникалық университеті» АҚ-тың  Тәуелсіздік залында «Қазақ үшін шам қылған жүрек майын...» тақырыбында «Міржақып. Оян, Қазақ» тарихи, көркем фильмінің қоюшы режиссері   Мұрат Есжан  және продюссері — Айсәуле Әбілдамен студенттердің кездесу кеші болып өтті.

«ҚБТУ» АҚ қазақ тілі секторының оқытушылары Сыр-сұқбат ретінде ұйымдастырған кездесу кеші сұрақ-жауап түріндегі «Ой-Тұғыр» кезеңін, студенттердің Міржақып шығармашылығы бойынша дайындалған «Дегдар» сазды-композициясын, «Шабыт» атауымен  Ұлы тұлғаға  қатысты студенттердің  арнау өлеңдерін қамтыды.

Сыр-сұқбатты п.ғ.д., профессор Ж.Т. Дәулетбекова жүргізді. Студенттер кеш қонақтарына ризашылық пікірлерін білдіре отырып, өнер туындысына қатысты алуан түрлі сұрақтар қойды, авторлардан тұшымды жауаптар алды.

Кездесу студенттер үшін  өнер арқылы  тарихи жадыны жаңғыртып,  ұлттық санатын серпілткен тағылымы терең, өте әсерлі, мазмұнды іс-шара болды. Кеш соңында қонақтарға университет әкімшілігі атынан Жаратылыстану және әлеуметтік ғылымдар  мектебінің деканы Р.Бейсенов сөз сөйлеп, алғыс білдірді, кәдесый ұсынды.  Кеш оқытушы  А.Ақбаеваның орындауындағы ән-шашумен аяқталды.