2024 жылдың 13 сәуірінде Тәуелсіздік залында ҚБТУ 1 курс студенттері арасында «SDG Impact Challenge» бейнероликтер байқауының финалдық кезеңі өтті. Іс-шараның негізгі мақсаты әлеуметтік бейнеролик жасау арқылы БҰҰ-ның 17 Тұрақты даму мақсатын зерделеуде студенттердің ынтасын арттыру болды.

Бейнероликтер байқауын ҚБТУ ректоратының қолдауымен Жаратылыстану және әлеуметтік ғылымдар мектебінің ағылшын тілі секторы ұйымдастырды.

Жаратылыстану және әлеуметтік ғылымдар мектебінің деканы Р.Е. Бейсенов және БҰҰ өкілі Әмір Салықбаев құттықтау сөз сөйледі. Олар Студенттер қауымдастығында мұндай іс-шараларды өткізудің маңыздылығы мен өзектілігін атап өтті.

Қонақ ретінде «Art House» студенттік тобы өнер көрсетті.

Іс-шараның ресми бөлімінен кейін байқаудың ақтық кезеңіне өткен 10 бейнеролик көрсетілді.

Байқау қорытындысы бойынша 3 үздік бейнеролик анықталды.

Бірінші орынды Learn Craft командасы (Сапаров Аян, Жақсылық Қазыбек, Төлегенов Ержан, Тұрланова Дильназ) иеленді.

Екінші орын Act now командасына (Әзім Булатов, Азаматұлы Арқас, Жазит Әлібек) бұйырды.

Үшінші орынды Gender Unity командасы (Даниярова Динара, Еренқызы Сания, Ізимбетова Айгерім, Дүйсенбаева Аяна) иеленді.

Бейнероликтер байқауының соңында қатысушылар мен жеңімпаздарға сертификаттар, естелік сыйлықтар және ақшалай сыйлықтар табыс етілді.

Құттықтаймыз!