ҚБТУ өкілдері 28 aқпанда Кентербери Крайст Черч университетіне барды (Canterbury Christ Church University). ҚБТУ ректоры Габдуллин Маратбек Тулебергенович және энергетика және мұнай-газ индустриясы мектебінің деканы Исмаилов Абдулахат Абдукаримович Кентербери университетінің ректоры Rama Thizunamachandran және интернационалдандыру департаментінің өкілдерімен, Бизнес мектебінің, инжиниринг және тұрақты даму мектебінің декандарымен кездесті.

Түрлі салалардағы ынтымақтастық, академиялық алмасу және қос диплом алу мәселелері талқыланды. Ынтымақтастық туралы Меморандумға қол қойылды.

Университет Англияның Кент округінде орналасқан және жеті кампусқа ие. 1962 жылы мұғалімдерді даярлау колледжі ретінде құрылған, 2005 жылы университет мәртебесін алды және шамамен 15000 жуық студент білім алады.