1 желтоқсанда Қазақстан делегациясының Туркменстанға екінші бизнес-миссиясы сәтті өтті. Оны Туркменстанның Қазақстандағы Елшілігінің қолдауымен "Астана" дипломатиялық клубы ұйымдастырды. Делегация құрамында ҚБТУ академиялық мәселелер жөніндегі проректоры Исахов Асылбек Абдиашимович қатысты.

Бизнес-миссияның төрт жұмыс күні ішінде делегация мүшелері Ашхабад, Мары, Аркадак, Туркменбаши барып, түрікмен кәсіпорындарының әлеуетімен танысты, қазақстандық бизнестің мүмкіндіктерін ұсынды, өзара іс-қимылдың перспективалық бағыттарын белгіледі, ынтымақтастықты одан әрі дамыту туралы талқыланды.

ҚБТУ базасында осы салада зерттеулер мен әзірлемелермен айналысатын логистика орталығын құру жоспарлануда. Университет сонымен қатар Ұлы Жібек жолын қалпына келтіруге және дамытуға бағытталған логистика бойынша магистрлік бағдарламалар ашты. Асылбек Абдиашимович Туркменстанды осы хабқа және ғылым саласындағы ынтымақтастыққа шақырып, ғылыми жобаларды бірлесіп іске асыруды ұсынды.

Ашхабадта қазақстандық делегация Agro Раск Turkmenistan-2023 халықаралық көрмесіне қатысты.Қазақстаннан келген кәсіпкерлер Туркменстанның Мемлекеттік тауар шикізат биржасына барды.