12-13 қазанда Бектұров атындағы Химия ғылымдары институтында  «Полимертану ғылымының заманауи мәселелері» атты қазақ-өзбек симпозиумы өтуде.

Симпозиумда перспективті ғылыми бағыттарды интеграциялау үшін макромолекулалық қосылыстар химиясы саласындағы зерттеулердің қазіргі жағдайы мен даму тенденциялары, табиғи және синтетикалық полимерлер, композиттік материалдар өндірісін ұйымдастыру және химия ғылымы мен білімнің интеграциясы мәселелері талқыланады.

Ғылыми зерттеулер институты бүкіл Орталық Азия аймағынан, сондай-ақ Ресей мен Финляндиядан ғалымдарды біріктірді. Симпозиум әлемнің түкпір-түкпірінен келген ғалымдар мен зерттеушілерге күш біріктіруге, тәжірибе және білім алмасуға және полимертану саласындағы өзекті мәселелерді талқылауға тамаша мүмкіндік болып табылады. Симпозиум бағдарламасына пленарлық және ауызша баяндамалар, постерлік баяндамалар және дөңгелек үстел кіреді.