ЮНИСЕФ Қазақстан және GameLab KBTU STEAM-да қыздарды қолдау бағдарламасы аясында, 15 пен 24 жас аралығындағы оқушылар мен студенттерді 7-9 тамыз аралығында Қазақстан-Британ техникалық университетінде өтетін LEVEL UP геймификациясы бойынша үш күндік хакатонға қатысуға шақырады.

Хакатонда UniSat - наноспутниктерді құрастыру және іске қосу бойынша білім беру жобасы курсын геймификациялау барысында ҚБТУ-дың оқытушыларымен және кураторларымен бірге қатысушылар өз идеяларын ұсына алады!

Хакатонға қатысу үшін кәсіби бағдарламалау және ойын дамыту дағдылары қажет емес. Алайда, "LEVEL UP: видеоойындар мен геймификацияға кіріспе" және UniSat курсының сертификаттары бар үміткерлерге артықшылық беріледі. Іріктеу қорытындысы бойынша 50 қыз хакатонға аттанады. Тіркеу 24 шілдеге дейін ашық.

Тіркеу формасына сілтеме GameLab парақшасында орналастырылған https://www.instagram.com/gamelab.kbtu/

Басқа қалалардан келген қатысушылар үшін трансфер ұйымдастырылады және хакатон өткізу уақытына тұратын орын беріледі.