2023 жылы 8 маусым күні Қазақстан-Британ Техникалық Университетінде (ҚБТУ) “Strategic Trade Control Internal Compliance Policy” бойынша тренингтің бірінші күні өтті.

Күннің бірінші жартысында Орталық Азиядағы қосарлы мақсаттағы тауарлар мен технологияларды экспорттық бақылау жөніндегі Еуропалық Одақтың мақсатты бастамасы командасының мүшелері ҚБТУ-дың Академиялық мәселелер жөніндегі проректоры Асель Джумасейтовамен, Бизнес Мектебінің деканы Ержан Мукашевпен және қосымша білім беру басқарушы директоры Арман Ибраевпен кездесіп, білім беру мен ғылыми зерттеулердің келешегін талқылады.

Тренингті Liege University (Бельгия) және Орталық Азия дамуды зерттеу институтымен бірлесіп Халықаралық ғылыми-техникалық орталық (ХҒТО) ұйымдастырды. ХҒТО аға менеджері Hendrik Vesser мен ҚБТУ Бизнес Мектебінің деканы Ержан Мукашевтің кіріспе сөздерінен кейін Trench-тің докторы Jean-Pascal Zanders пен Liege University профессоры Quentin Michel ҚБТУ, Satbayev University және Suleyman Demirel University оқытушыларына Strategic Trade Control жобаға қатысты жан-жақты кіріспемен таныстырды.