22 мамыр күні ҚБТУ-ға Ұлыбританияның Queen’s University Belfast өкілдері - Менеджмент мектебінің интернационалдандыру жөніндегі директоры Кристофер Койл және Бағдарлама директоры Ержан Токболат келді. Шетелдік әріптестер «Болашақ» бағдарламасы аясында «500 ғалым» жобасы бойынша ҚБТУ-мен ынтымақтастыққа қызығушылық танытты. ҚБТУ басшылығы, өз кезегінде, жыл сайын әрекет ететін шетелдік ғалымдарды тарту жөніндегі ҚР ҒЖБМ бағдарламасы шеңберінде Queen’s University Belfast ПОҚ-ны 4 апта мерзімге қабылдауға дайын екендігін білдірді. Сондай-ақ, әртүрлі деңгейдегі бірлескен білім беру бағдарламаларын әртүрлі форматта іске қосу мүмкіндігі талқыланды. Queen’s University Belfast «Рассел» тобына кіреді – Ұлыбританияның жетекші 20 зерттеу университеті.