Қазақстан-Британ техникалық университетінің Жаратылыстану және әлеуметтік ғылымдар факультетінің Ағылшын тілі секторы, Алматы қаласының техникалық университеттерінің студенттері арасында ағылшын тілі бойынша ЖОО аралық олимпиаданы ұйымдастырып, өткізгенін қуана хабарлаймыз. Олимпиаданың мақсаты — техникалық жоғары оқу орындарының студенттерін ағылшын тілін дамытуға және оны жеке, кәсіби өсу мен даму құралы ретінде пайдалануға ынталандыру, сондай-ақ БҰҰ-ның Тұрақты Дамуының 17 Мақсаты туралы хабардарлықты арттыру болып табылады.  

Олимпиаданың 1-ші кезеңі 2023 жылдың 8 сәуірінде Қазақстан-Британ техникалық университетінің Тәуелсіздік залында офлайн форматта өтті. 5 техникалық университеттің 40-қа жуық үздік қатысушысы олимпиаданың келесі кезеңіне өту үшін бір-бірімен сайысқа түсті. Олимпиаданың ұйымдастыру комитеті 10-нан 7 және одан да жоғары ұпай жинаған үздік 13 қатысушыны таңдады. Біз шын жүректен ризашылығымызды білдіре отырып, олимпиаданың 1-кезеңінің жеңімпаздарын шын жүректен құттықтаймыз! Келесі кезеңге қатысуда сәттілік тілейміз!