2023 жылы 14 сәуірде ҚБТУ өкілдері Global Actionable Knowledge Exchange 2023: The Ideas, Vision, and Commitment of Young Business Leaders to CSR, SDGs, and ESG конференциясына қатысты.

Конференция гибридті форматта өтті - офлайн Филадельфияда (Пенсильвания) және онлайн. Онлайн форматта әлемнің барлық континенттерінен қатысушылар болды. Конференцияда Пенсильвания Университетінің профессорлары, зерттеушілері мен студенттері сөз сөйледі. ҚБТУ тарапынан: тәуелсіз директор Арсланова Зарина Фуатовна, ҚБТУ ректоры Габдуллин Маратбек Тулебергенович, академиялық мәселелер жөніндегі проректор Джумасейтова Асель Кенесовна қатысты. Кездесу барысында жасанды интеллектті дамыту, қоршаған орта және кәсіпкерліктегі ашықтық мәселелері талқыланды. Сондай-ақ, ҚБТУ-дың студенттік жобаларды дамытудағы, түлектердің ESG дағдыларын дамытудағы тәжірибесі және ҚБТУ-дың осы процестерді дамытуға қосқан үлесі ұсынылды. ҚР-ның АҚШ-тағы Елшісі атап өткендей, ESG күн тәртібі бүгінгі таңда Қазақстан Республикасы үшін ең өзекті тақырыптардың бірі болып табылады.