Бұл жарысқа қатысу студенттерге әлемнің ірі IT-компанияларында мансабын бастауға мүмкіндік береді. 6 және 7 желтоқсанда Қазақстан-Британ техникалық университетінің қабырғасында "ICPC Northern Eurasia Finals – 2022–2023" халықаралық командалық олимпиадасының жартылай финалы өтті. Бағдарламалау чемпионатына 60 команда қатысты. Алматыда Қырғызстан, Өзбекстан, Тәжікстан және бүкіл Қазақстанның студенттері жиналды.
  ⠀
Олимпиада қазақстандық жоғары оқу орындары мен мектептерде білім алушылар арасында өтті. ICPC.Global-бір мезгілде 4 қалада: Санкт-Петербург, Барнаул, Алматы, Тбилисиде өтетін халықаралық студенттік командалық олимпиада.
7 желтоқсан қорытындысы бойынша ҚБТУ командасы екінші орын алып, финалға өтті. Команда құрамында ҚБТУ Ақпараттық технологиялар және инженерия мектебінің студенттері Тұрсынбай Дінмұхамед, Қанатұлы Аманбол, Алтыбай Назарбек. Команданың жаттықтырушысы - Аманов Әлімжан.