30 қаңтарда ҚБТУ шахмат клубында  жыл сайынғы студенттер мен магистранттар арасындағы  жеке чемпионат болып өтті.

Турнирге  университеттің әртүрлі  факультетінен 19 студент және 1 магистрант  қатысты. Турнир үш сағатқа жуық уақытқа созылды. 9 турда 90 партия ойналды. Жұптар  арнайы бағдарлама көмегімен жеребе тастау арқылы құрылды. Спорттық күрес  саламатты және  тату ахуалда жүрді.

Бесінші турдан  кейін  Бизнес мектебінің 1-оқу жылы студенті Тимур Нұржанов көшбасшыға айналды. Турнирдің соңына дейін  бір де бір партиядан жеңілмей, мейлінше жоғары  ұпай жинаған ол  бірінші орынды лайықты иеленді.  Екінші  орынға  тағы да Бизнес мектебінің  бірінші оқу жылы студенті Ғажайып Мұқажанов көтерілсе, ал  үшінші орынды  Ақпараттық технологиялар факультетінің магистранты Мұрат Кеңесбаев жеңіп алды.

Турнир жеңімпаздарына  кубоктар тапсырылды. ҚБТУ Супер кубогына екі жүлдегер таңдалды. Тағы да екі қатысушы  ақпан айында болатын  жеке Кубокта іріктелетін болады.

Барлық турнирге қатысушылар мен жеңімпаздарды құттықтаймыз және  әрі қарай да мерейлі жеңістер тілейміз! Жаңа турнирлерді  асыға күтеміз!

Гүлбина Болатбекқызы (АТФ, 1-курс)

Фото және бейне түсірілімдер: Михаил Мищенко (АТФ, 1-курс)