«Уран және сирек металдар өнеркәсібін дамыту» XII Халықаралық ғылыми-практикалық конференциясы

Қазақстан, Алматы — 2026 жылғы 13–15 мамыр аралығында Қазақстан-Британ техникалық университеті (ҚБТУ) базасында әлемнің 30-дан астам елінен келген сарапшылардың басын қосатын Халықаралық ғылыми-практикалық конференция өтеді. Конференция уран және сирек металдар өнеркәсібі саласындағы өзекті мәселелер мен жаңа технологияларды талқылауға арналған маңызды алаңға айналады.
Іс-шараның мақсаты — пәнаралық диалогты дамытуға, ғылыми тәсілдерді жетілдіруге және салаға инновацияларды енгізуге жағдай жасау. Қатысушылар өз зерттеулерін ұсынып, тәжірибе алмасып, жаһандық ғылыми қауымдастықтың бір бөлігіне айналу мүмкіндігіне ие болады.
Конференция аясында геология, уранды өндіру және өңдеу технологиялары, атом энергетикасының тұрақты дамуы, сондай-ақ Қазақстанның жаһандық энергетикалық қауіпсіздікті қамтамасыз етудегі рөлі секілді негізгі тақырыптар талқыланады. Сонымен қатар, атом өнеркәсібіндегі цифрландыру, автоматтандыру және роботтандыру саласындағы соңғы жетістіктер, экологиялық талаптар мен экологиялық таза өндіру стандарттары қарастырылады.
Бағдарламаға сараптамалық панельдер, дөңгелек үстелдер және сессиялар кіреді. Оларда жетекші ғалымдар, инженерлер мен сала көшбасшылары әлемдік энергетиканың болашағын талқылайды. Қатысу үшін конференцияның ресми сайтында тіркеліп, осы маңызды оқиғаның бір бөлігіне айналыңыз.
Конференцияның барлық өзекті жаңалықтары мен бағдарламасын ресми сайттан көруге және жүктеп алуға болады:
uranconference.kz

{spoiler=Кеңес алу}

 

 

{/spoilers}