2022 жылғы 1 сәуірде Қазақстан-Британ техникалық университетінде Алматы қаласы цифрландыру басқармасымен және IGLUS халықаралық швейцариялық ұйымымен бірлесіп SMART CITY LAB зертханасының ресми ашылу рәсімі өтті.
Алматы қаласы әкімінің орынбасары Әлішер Әбдіқадыров, Лозанна федералдық политехникалық мектебінің профессоры Маттиас Фингер және Қазақстан-Британ техникалық университетінің ректоры (Басқарма төрағасы) Ғабдуллин Маратбек Төлебергенұлы зертхананың салтанатты ашылу рәсіміне қатысты.
"Қазіргі уақытта қалалардың дамуы қолданбалы тәжірибеге және жекелеген бағыттардың білім базасына байланысты. Ақылды қалаларды басқару әдіснамасына негізделген бұл жоба ақпарат пен құзыреттілікті бір жерде жинау мен талдауды орталықтандыруға мүмкіндік береді. Алматы әлемдік озық тәжірибеге тұрақты қол жеткізе алады және инфрақұрылымы дамыған заманауи қала ретінде дамитын болады", – деп мәлімдеді Алматы қаласы әкімінің орынбасары Әлішер Әбдіқадыров.
Бұл зертхана Алматы қаласын цифрландыру және процестерді автоматтандыру бағытында жетілдіруге арналған.
Зертхананың мақсаты: қалалық жүйелердің тиімділігін өлшеу, инфрақұрылымды дамыту және Smart City және Smart Systems магистратурасының білім беру бағдарламалары бойынша кадрлар даярлау. Болашақта ҚБТУ базасында цифрландыру басқармасының бөлімшесін ашу жоспарлануда, бұл қызметкерлерге IT саласында магистранттар мен докторанттармен бірлесіп жобаларды әзірлеуге мүмкіндік береді.
"Бұл Қазақстан мен Орталық Азия аумағындағы тұңғыш зертхана және біз оны Алматы қаласында, ҚБТУ-да ашып жатқанымызды мақтан тұтамыз. Біз серіктестерімізбен бірге осы зертхананың міндеттері мен мақсаттарын іске асыратын боламыз, атап айтсақ, жаңа мамандарды, магистранттар мен докторанттарды оқытып, қала тұрғындарының өмір сүру сапасын жақсартуға ықпал етіп, сүйікті қаламыздың инфрақұрылымын жаңғырту үшін жаңа шешімдер енгізетін боламыз", - Қазақстан-Британ техникалық университетінің ректоры (Басқарма төрағасы) Ғабдуллин Маратбек Төлебергенұлы деді.
IGLUS - бұл Лозаннадағы Швейцария Федералды технологиялық институты құрған ғылыми-зерттеу бағдарламасы: 2011 жылғы Лозанна федералды политехникалық мектебі (EPFL) ірі, күрделі әрі динамикалық қалалық жүйелерді басқаруды жақсартуға бағытталған.
"Біз адамдарға жүйелі түсінік алуға көмектесеміз, өйткені қалалар - бұл күрделі жүйелер. Біз, сайып келгенде, қала тұрғындарының осы тәсілдің маңызын сезінуін қалаймыз. Біз адамдар қолдана алатын ғаламдық желінің аспектілеріне баса назар аударамыз", - Лозанна федералды политехникалық мектебінің профессоры Маттиас Фингер деді.
