28 ақпан күні ҚБТУ-дың Ғылыми кітапханасында Мұқағали оқулары өтті! Жыл керуені алға жылжыған сайын Мұқағали Мақатаевтың артына қалдырған өшпес мұрасы, жарық жұлдыздай қараңғы түн қойнауынан құпия сәулесін шашқандай жарқырайды. Мұқағали оқуларының басты мақсаты студенттердің поэзияға деген құштарлығын арттыру, өлең сөздің құдіреті мен қуатын жанымен сезініп, жүрегімен түсіне білуге үйрету, жас буынның тарихи танымдарын, өмірге көзқарасын қалыптастыру. Қатысушылар мен тыңдаушылар Мұқағали атамыздың өз дауысын тыңдап, өмірбаянымен танысып, әңдерін тыңдап, сұрақтарға жауап беріп, рухани демалды. Жақсы өлең оқыған студенттер жүлделі орындармен марапатталды.
Бірінші жүлдеді орынды Энергетика және мұнай газ факультетінің студенті Серікпай Батырлан Жанболатұлы иемденді.
Екінші жүлделі орынды Ақпараттық технолгиялар факультетінің студенттері Хамит Айгерім Мұратқызы және Оразумхамет Аружан Русланқызы иемденді.
Үшінші жүлделі орынды Ақпараттық технолгиялар факультетінің студенттері Аймағанбетов Бауыржан мен Шабазова Көркем Мауленқызы иемденді.
Басқа да қатысушыларға сыйлықтар берілді.
