Қазақстан мен ТМД тарихында алғаш рет Аружан Аманбаева өзінің «The Soul Education» бизнес-жобасымен «The Social Impact Award 2021» сыйлығын жеңіп алды.

Халықаралық байқаудың көшбасшысы болу оңай болған жоқ – жарысқа 1600 жұмыспен 38 ел қатысты. Қазақстанмен бірге финалдағы орындарды Мексика, Танзания, Канада және Доминикан Республикасынан келген қатысушылар бөлісті.

Аружан Аманбаева 19 жаста, ол Қазақстан-Британ техникалық университетінің студенті, жас кәсіпкер және «The Soul Education» мектебінің негізін қалаушы.

«The Soul» мектебі туралы идея Аружанға 2018 жылы келді. 11 сынып оқушысы бола тұра ол Қазақстандағы құм терапиясы бойынша алғашқы білікті оқытушы болды. Бұл терапия бала кезінде Даун синдромы диагнозы қойылған Аружанның ағасына көмектесті. Терапия тірек-қимыл жүйесін, көру және зейінді дамытады. Бұл туралы білгеннен кейін, басқа ата-аналар ерекше балалармен Аружанға жүгіне бастады.

Осы жолда Аружан оның командасымен және әлем елдерінің кәсіби менторларымен бірге жұмыс жасады. Олар ми мен құм терапиясы арасындағы байланысты зерттеді, нәтижесінде жобаның миссиясы анықталды: барлық балалардың дамып, көп нәрсені үйреніп, денсаулығын жақсартуға мүмкіндік беретін инклюзивті, қауіпсіз, сенімді экожүйе құру.

«Мен үшін әлемнің 1600-ден астам кәсіпкері қатысқан 38 елдің арасында Қазақстанның атынан алғаш рет қатысу үлкен мәртебе. Мені әлі күнге дейін эмоцияға толы күйде отырмын. Хабарландыру кезінде мен басқа елдердегі әріптестерім үшін шын жүректен қуандым, бірақ Қазақстанның аты аталғанда өз көзіме өзім сенбедім. Мен үшін жақын дос болып кеткен барлық елдерден келген жоба қатысушылары қоңырау шалып, құттықтай бастады», - дейді Аружан.

«Қазақстан бізбен алғаш рет өзінің The Soul жобасымен әлемдік бизнестегі маңыздылығын дәлелдей алды», - деп атап өтті жобаны ұйымдастырушылар.

The Soul Education - ТМД елдеріндегі психологиялық және физикалық ауытқулары бар балаларға арналған денсаулықты жақсартуға арналған «құм терапиясы» курсы болып табылатын жалғыз онлайн және офлайн мектеп. Жоба аясында Аружан ерекше қажеттіліктері бар балаларға инклюзивті тәрбие, психологиялық жұмыс және терапия мәселелерімен белсенді айналысады.

Алдағы 3 жылда Аружан командамен бірге ТМД нарығына шығып, «The Soul» мектебі мен қосымшасын халықаралық деңгейде дамытуды жоспарлап отыр. Қосымша арқылы:

1. Онлайн скринингтік тестер

2. Түрлі ауытқулар мен аурулар туралы сенімді және жаңартылған ақпарат алу

3. Мұғалімдерден онлайн сабақ алу

4. Ең бастысы, бүкіл әлемдегі ата-аналар көрсететін қолдау, онда олар ата-аналарды жақсылыққа сенуге және берілмеуге шабыттандыратын әрі ынталандыратын әңгімелері мен жеңістерімен бөліседі.

«Мен еліміздің және бүкіл әлемнің балаларына көмектесіп, оларға қамқорлық жасағым келеді. Егер біз болашақты жоспарлағымыз келсе, онда ең алдымен балаларға қамқорлық жасауымыз керек. Бұған біз сіздердің қолдауларыңыз бен сеніміңізбен ғана қол жеткізе аламыз», - деді Аружан.

EO Global Student Entrepreneur Awards (EO GSEA) – колледжде немесе университетте оқып жүрген кезінде бизнесті иеленетін және басқаратын студенттер үшін ең беделді халықаралық байқау. 61 елден 15000-нан астам пікірлес көшбасшыларды қамтитын жоғары сапалы қолдау желісі. EO кәсіпкерлерге тәжірибе алмасуға және бірлескен оқыту арқылы өз мүмкіндіктерін толық ашуға көмектеседі. EO кәсіпкерлерге 1987 жылдан бастап трансформациялық өсуге қол жеткізуге қолдау білдіріп келеді және оның қатысушылар желісі бір-біріне жетістікке жетуге жәрдем береді.

EO & GSEA ғаламдық серіктестері: National Geographic, Disney+, Junior Chamber International (JCI) және т.б.

Марапаттаудан бейне үзінді: https://drive.google.com/file/d/1eVOxrvvqni_RtRNrfBGcafzjMoDN64me/view?usp=sharing

Конкурс жеңімпаздарыныңы тізіміне сілтеме: https://gsea.org/2021-global-finals-winners/#14b/