ҚБТУ-дың 2026 жылғы жаңа білім беру бағдарламалары
(Магистратура)
Қазақстан-Британ техникалық университеті академиялық ұсыныстарын кеңейтіп, қазіргі заманғы сын-тегеуріндерге, технологиялық үрдістерге және нақты сектордың сұраныстарына бағытталған жаңа бакалавриат бағдарламаларын іске қосуда.
Бағдарламалардың мақсаты
Халықаралық ортада жұмыс істеуге дайын, заманауи білімге, цифрлық және аналитикалық дағдыларға, практикалық тәжірибеге ие жаңа буын мамандарын даярлау.
Бағдарламалар жетекші университеттермен және салалық серіктестермен бірлесе отырып, жаһандық стандарттар мен ұлттық еңбек нарығының қажеттіліктері ескеріле отырып әзірленді.
{spoiler=7М 06111 Есептеу экономикасы және жасанды интеллект }
Мақсаты мен міндеттері: бизнес және мемлекеттік басқару саласында күрделі басқарушылық және аналитикалық міндеттерді шешуге қабілетті, жүйелі және стратегиялық ойлау дағдыларына ие есептеу экономикасы мен жасанды интеллект саласындағы жоғары білікті магистрлерді даярлау. Бағдарлама білім алушыларда экономикалық-математикалық модельдеу, үлкен деректерді талдау, машиналық оқыту, әлеуметтік-экономикалық процестерді цифрлық модельдеу және интеллектуалды технологиялар негізінде шешім қабылдауды қолдау салаларындағы құзыреттерді қалыптастыруға бағытталған. Түлектер инновациялық цифрлық шешімдерді әзірлеп, енгізе алады, тәуекелдер мен белгісіздікті талдайды, нарықтар мен ұйымдардың дамуын болжайды, сондай-ақ цифрлық трансформация және жаһандық бәсекелестік жағдайында жасанды интеллект технологияларын бизнес-процестер мен басқару жүйелеріне интеграциялай алады.
Бейіндік пәндер:
1. Менеджмент
2. Бизнесті ұйымдастыру
Оқыту бағыты: ғылыми-педагогикалық бағыт, 2 жыл
Оқыту форматы: семестрлік, кешкі уақытта және сенбі күндері
Оқудың басталу күні: қыркүйек
{/spoilers}
{spoiler=7М04117 MBA Бизнес-құқық }
Мақсаты мен міндеттері:
Бағдарлама ұлттық және халықаралық бизнес-ортада ұйымдастырушылық, қаржылық және құқықтық құралдарды пайдалана отырып, кешенді басқарушылық шешімдер қабылдай алатын басшыларды даярлауға бағытталған. MBA дәрежесі заң және басқару салаларында мансаптық өсу үшін кең мүмкіндіктер ашады.
Мамандық бойынша оқу мерзімі: 1,5 жыл
Оқыту тілі: орыс тілі
Оқудың басталу күні: қыркүйек
{/spoilers}