ҚБТУ-дың 2026 жылғы жаңа білім беру бағдарламалары
(Докторантура)
Қазақстан-Британ техникалық университеті академиялық ұсыныстарын кеңейтіп, қазіргі заманғы сын-тегеуріндерге, технологиялық үрдістерге және нақты сектордың сұраныстарына бағытталған жаңа бакалавриат бағдарламаларын іске қосуда.
Бағдарламалардың мақсаты
Халықаралық ортада жұмыс істеуге дайын, заманауи білімге, цифрлық және аналитикалық дағдыларға, практикалық тәжірибеге ие жаңа буын мамандарын даярлау.
Бағдарламалар жетекші университеттермен және салалық серіктестермен бірлесе отырып, жаһандық стандарттар мен ұлттық еңбек нарығының қажеттіліктері ескеріле отырып әзірленді.
{spoiler=8D06102 Есептеу экономикасы және жасанды интеллект }
Мақсаты мен міндеттері:
«8D06102 Есептеу экономикасы және жасанды интеллект» білім беру бағдарламасының мақсаты – есептеу экономикасы және жасанды интеллект саласында терең ғылыми білімге және зерттеу құзыреттеріне ие, жаңа ғылыми нәтижелерді қалыптастыра алатын және күрделі әлеуметтік-экономикалық жүйелер үшін инновациялық әдіснамалық әрі қолданбалы шешімдер әзірлей алатын жоғары білікті философия докторларын (PhD) даярлау.
Бағдарлама докторанттарда ғылым, бизнес және мемлекеттік басқарудың стратегиялық міндеттерін шешу үшін түпнұсқалық экономикалық-математикалық және интеллектуалды модельдерді әзірлеу, үлкен деректерді талдаудың заманауи әдістерін, машиналық және терең оқытуды, цифрлық модельдеуді және каузалдық талдауды қолдану қабілетін қалыптастыруға бағытталған.
Бағдарлама түлектері дербес іргелі және қолданбалы зерттеулер жүргізе алады, нәтижелерін халықаралық рецензияланатын басылымдарда жариялай алады, әлемдік деңгейдегі цифрлық және аналитикалық шешімдер әзірлеп, жаһандық бәсекелестік жағдайында цифрлық экономика мен интеллектуалды технологиялардың дамуына үлес қоса алады.
Мамандық бойынша оқу мерзімі: 3 жыл
Академиялық дәреже: PhD
Оқыту тілі: ағылшын тілі
{/spoilers}